من يفعل الشيمات وكاد محمود
بين الخلق يلقى قيمه ومهابه
بالطيب والنوماس ترفع له. بنود
من الناس وعند الله يلقى ثوابه
والي فعله شين من الخير مجرود
الشر منه فاض وجاوز عبابه
من عاق لاهله دربه بات مسدود
يمرمر لعيشه وبعد مرمر شرابه
والي من المعروف ما يكسب الفود
يبقى همول الراي وما حد درابه
وش حاجة الشدات من سيف مغمود
حين البواهش كشرت عن نيابه
لو كان جرحك نازف وما له ضمود
مثل التخلى عن هلو والقرابه
لو يعلم الانسان هو وقعة الدود
ما كان يقرب للغدر والمعابه
والي ما جاب جناه من نتع الزنود
يبقى فاضي من المؤنه جرابه
خليك صاحي وارفد النفس بالجود
ومن ربنا المعبود عندك مهابه
شعر : عاطف سيطان البربور
