( الوطن ..محبة و سلام ).الدكتور. علي مسلم عجمي
-----------------------------
موطني بغيرو وطن ما ببدلو
دمي و حياتي و كل ما بملك إلو
موطني جنة خُلد عالأرض و سلام
و تاج عجبيني الفخر بيكللو
و شو ما كتبت و حكيت ما بوفي الكلام
و شو ما بقدم إلو يا جبال احملو
موطني عالي القِيم عالي المقام
موطني تراب الكون كلو بأكملو
لمواطنية ناس عا أرض الوطن
حب الوطن بقلوبها حل و سكن
و تضحية و إخلاص و رجال بفدا
ترد كيد المعتدي و كيد الفتن
و رحمة و أخوِّة و أبد ما ترفض حدا
بفكرو بطائفتو إذا اختلفو السنن
و وقفة بطولة صامدة بوجه العدا
بالقلم. بالسر. بالسلاح و بالعلن
بحضن الوطن متساوية رجَال و نِسا
باللي لها و اللي عليها بالحياة
المفروض تِحمل قلب ما يعرف قسا
و الليونة بلا ضعف أو حاقدات
لمصافحة و ترحيب كل صُبح و مسا
و الأخُوّة لها تقدير و ثبات
أيا عمل للخير مش رح يُنتسى
بيظل بين الناس من أروع صِفات
حقوق الوطن بمواطنية صالحة
الوطن متل الأم بدّو إعتنا
مش مصلحة للكسب بدو مصالحة
و تَحميه من أيا خطر صوبو دنا
و الأم ما بدها حَـكايا جارحة
بدها فعل بدها شغل بدها جنى
بين الوطن و الأم نهضة فارحة
عليها المستقبل مجد حلمو بنى
الحرب دم و نار و الموت الشنيع
ليش ما بيعِـم عالأرض السلام
كلها فصول السنة نعملها ربيع
سِلم و سلام و إخضرار و إحترام
و نعيش عيشة سِلم بالكون الوسيع
و في هدوء و طَمأنة نِقدر ننام
و ما يعود في أسباب للحرب الشنيع
و نعمل تـآلف للشعوب و إنسجام
الشاعر د. علي مسلم عجمي
لبنان
