(( أمل ))
بقلمي محمــد سليمــان أبوسند
الليل بيجي عندنا ٠٠٠٠
وقت النهار مايكون معدي
والمغربيه بنت حلوه
ساعة العصاري
نقعد ندردش
لحد ميجينا نهار
يطلع بنوره
ينور زهور البرتقان ع الشجر
وبنوره يدينا الأمل
لنفوس كتير مليها الشجن
ربيع يجينا بعد الخريف
خرفان بيحكي ٠٠٠٠
زعلان كتير يبكي عليا
والا عليه ولا عليها
وقت السحر
سكاكين بتدبح
وآهاااات كتير
مليا الجفون
بدموع تبكي الحجر
ونفوس ضعيفه
عشمان يكون ميعاد
رجعونا م السفر
عشمان أنا
ع المحطه وقفت صبيه
تستنى قطر الأمل
يمكن يكون
تاه وسط قضبان الحياهـ
يمكن يكون في رجوعه
نبض للحياه
أصل الحكايه
مش حكاية بنت وولد
ولا أمل
الحكايه٠٠٠٠
أن الطاحونه
دايره من سنين
واخدانا معاها لفين
لفت سواقي البلد
شواديف غيطان
أرض الجيران
وبحور وجفت من زمان
وسواقي عطلت
شواديف كسرها غدر الزمن
ودموع ونازلة من غير ندم
لكن في يوم
هانقيد شموع سيدنا الولي
ونجيب معانا أكاليل ورود
تمر وريحان
وبنات زمان
ترقص معانا ع الوتر
أصل الحكايه حكاية وطن
وعجبي
بقلمي محمــد سليمــان أبوسند
